{गजल} चट्टान यहाँ फोडी रहेछु

सुखको कल्पनामा दु:ख का झार गोडी रहेछु

हिरा पाउने आस् मा चट्टान यहाँ फोडी रहेछु !!

थोरै मुस्काउने प्रयासमा झन आफु लाई नै 

बिस्तारै आँशुका भेल संग नाता जोडी रहेछु !!

सुनौलो बिहानीको खोजीमा कहाँ भौतारिए खै
थाहाँ नपाई आफन्त लाई आफै नै छोडी रहेछु !!

हिम्मत को साथमा हिडेकी थिए गन्तब्य तिर
कम्जोर सिपाही जस्तै आफ्नो हौस्ला तोडी रहेछु !!

जिन्दगी भेट्ने झुटो आशमा नबुझ्ने गरी आज
मृत्यु का गोरेटो लाई स्वयं आफै  मोडी रहेछु !!
बसु श्रेष्ठ
भैरहवा रुपन्देही

{गजल} कहाँ गयौ तर्केर

किन हेर्नु त्यसै त्यसै उनलाई कर्केर !!

साथ दिन खोज्दैछिन कहाँ गयौ तर्केर !!

बोल्छिन रे सधैंभरी मिठो बोली उनीले 

जहीले जवाब तिमी किन दिनु  झर्केर !!

नगर न तिरस्कार अरुको त्यो भाबना
मन दु:खी आँखा बाट वर्षा हुन्छ दर्केर !!

अतितको घाउ बल्ल पुरिदैथ्यो उनीको
भो नजाउ मर्ने छिन फेरी बेथा चर्केर !!

तिमीलाई एकदिन त्यो मायाले पोल्नेछ
रुदै फर्की आउनेछौ उनी माझ फर्केर !!
बसु श्रेष्ठ
भैरहवा रुपन्देही 

नेपाल मुक्तक प्रतिष्ठान साखको पहिलो साधारण सभाका तस्बिरहरु

साधारण सभामा पाल्नु भएका अतिथि ज्यु को साथमा आजीवन सदस्य
हरु !





नेपाल मुक्तक प्रतिष्ठानका सदस्य ज्युहरुको साथमा

महामहिम राजदुत श्री प्रल्हाद प्रसाई ज्युबाट कार्यकारी सदस्यताको पद  एवं प्रमाण पत्र ग्रहण गर्दै !

साहित्य यात्रामा अविस्मरणीय क्षणका केहि तस्बिर हरु

बनसाँघु मा.बि.मांखा मा तिन बिधार्थीलाइ छात्रवृतिको लागि रु.चारलाख हस्तान्तरण !

न्युज अभियान का पत्रकार एव बिश्व साहित्य महान संघ का उपाध्क्षय् सागर श्रेष्ठ ज्यु को साथमा !

सुनकोशी माखा मा गएको भिषण पहिरो पछि निरक्षण गर्नको लागि पुगेको केन्द्रका पदाधिकारीको साथमा !

नेपाल मुक्तक प्रतिष्ठान केन्द्रका पदाधिकारी द्वारा स्वागत ग्रहण गर्दै !

मुक्तक प्रतिष्ठान का सदस्य श्री बिष्णु बहादुर सिंह बाट उपहार ग्रहण गर्दै !

{गजल} रमाइलो रात को

भो भो नगर त्यो रमाइलो रातको कुरा

अंगालोमा बाधी गरेको ति बातको कुरा !!

जुनेली  रात थ्यो आँखा मा आँखा जुधाएर

नसम्झाउ मातेको हाम्रा तिनै साथको कुरा !!

रंगिन् त्यो  प्रहर ले सजेका हाम्रा पल हरु
बेहोस् भै हराको अचम्मित मातको कुरा !!

शिर राखी काख्मा तिमी मुस्कुराउदा खेरी
घायलै बनाउने  नशालु त्यो घातको कुरा !!

लाजले मुहार तिमी छाती भित्र लुकाउदा
मायालु  स्पर्सले सुम्सुमीने हातको कुरा !!
बसु श्रेष्ठ
भैरहवा रुपन्देही 

{कविता} शसक्त भाब

खुशी तरंगित भएर
समुन्द्री छाल झै उर्लिन्छ
ती छालमा उर्लिदै जादाँ
कहिले माथी फेरी गहिराई
माथी निलो गगन
गहिराईमा प्रीत मोती
जो प्रिय अनी मोहक लाग्छ !!
कहिले भावना को राप
याद आगोमा मुस्लिएर
धुवाँ धुवाँ सरी हुन्छ तनमन
त्यो तड्प जलन आहा
कती प्यारो दिलदार
जलाउछ,तड्पाउछ रुवाई
अनी हसाई  दिन्छ !!
अनौठो छ कम्पन कतै
 प्यास,तृष्णा अनी चाहत,
डर त्रास,भय अपूर्णता को
नयन वर्षात अधुर्यता को
उफ्फ़ !!
नदी झै सुस्ताउदै बग्नु
दुई किनार छुदै जिस्किदै
मस्किदै चंचल वायु को
साथ मन्द मन्द ध्वनी छर्दै
कहिले हरिया बन पाखा
लोभ्याउदै  कहिँ सुर्यको ताप
वाफिदै चट्टान सित ठोक्किदै !!
भावनाको गहिराई मा  डुब्न
अनी रमाउन कती मज्जा
भोली कसले देखेको छ
जिउनु  मजा आज पो छ
भबिस्य हो या वर्तमान
जे छ मजा भाव र चाहको
सपना, कल्पना मै भेट्छु !!
पागल ठान,बहुरुपी वा अर्थहीन
म आफु हुनुको अर्थ,र रुप
यहीं भेट्छु बस मात्र यहीं नै !!
बसु श्रेष्ठ
भैरहवा रुपन्देही

{गजल} गाली नभन्नु न हजुर

गरीबै छु  तर पनी कंगाली नभन्नु न हजुर !!

झुटो बोल्दैमा कैले नि जाली नभन्नु न हजुर !!

मनले चाहेर सकीन् कैलेई बन्न पवित्र गंगा

त्यो फोहर बगाउने नाली नभन्नु न हजुर !!

जानीछु बाग बगीचा म हेर चाह गर्न पनी
बिना काम नाम मात्र माली नभन्नु न हजुर !!

कमी होला शिक्षा तर सभ्यताको पक्कै नि छैन
असभ्यता भरिएको गाली नभन्नु न हजुर !!

पाए सम्म जलमल यहाँ सफ्रिने थिए होला
त्यसरी तँ बिग्रिएको बाली नभन्नु न हजुर !!

साथ पाए बन्न सक्छु तिम्रो आश्रयको घर पनी
हेला गरी भत्किएको पाली नभन्नु न हजुर !!
बसु श्रेष्ठ
भैरहवा रुपन्देही