गजल

मलाई त तिम्रो बानी परेछ क्यारे
त्यसैले खुशी को आँशु झरेछ क्यारे !

हाँस्दा बोल्दा थाहा पनी पाईन मैले 
सुटुक्कै दिल तिमीमा सरेछ क्यारे !

उर्लिदै छन् मन भीत्र तरंगित छाल 
यो मन ले प्रेम गंगा तरेछ क्यारे !

थियो खाली पाना सरी मेरो जिन्दगी
हर पाना तिम्रो नाम् ले भरेछ क्यारे !

आज रोयो अचानक् यो पागल मन 
तिम्लाई पाउने आशा मरेछ क्यारे !

बसु श्रेष्ठ 
भैरहवा रुपन्देही 

गजल

भो भो नगर त्यो हाम्रो रमाइलो रातको कुरा

आलिंगन मा बाधिएर गरेको बातको कुरा !!

जुनेली त्यो रातमा आँखा र आँखा जुधाएर

नसम्झाउ मातिएको हाम्रा ति साथको कुरा !!

रंगिन ती प्रहरले सजिएका थिए पल हरु
बेहोस भै हराएको अचम्मित मातको कुरा !!

शिर राखी काखमा तिम्रो मुस्कुराउदा खेरी
घायल नै बनाउने नशालु त्यो घातको कुरा !!

लाजले तिम्रो छाती सँगै मुहार लुकाउदा
मायालु ती स्पर्सले भरिएको खातको कुरा !!
बसु श्रेष्ठ
भैरहवा रुपन्देही