{गजल} रमाइलो रात को

भो भो नगर त्यो रमाइलो रातको कुरा

अंगालोमा बाधी गरेको ति बातको कुरा !!

जुनेली  रात थ्यो आँखा मा आँखा जुधाएर

नसम्झाउ मातेको हाम्रा तिनै साथको कुरा !!

रंगिन् त्यो  प्रहर ले सजेका हाम्रा पल हरु
बेहोस् भै हराको अचम्मित मातको कुरा !!

शिर राखी काख्मा तिमी मुस्कुराउदा खेरी
घायलै बनाउने  नशालु त्यो घातको कुरा !!

लाजले मुहार तिमी छाती भित्र लुकाउदा
मायालु  स्पर्सले सुम्सुमीने हातको कुरा !!
बसु श्रेष्ठ
भैरहवा रुपन्देही