{गजल} कहाँ गयौ तर्केर

किन हेर्नु त्यसै त्यसै उनलाई कर्केर !!

साथ दिन खोज्दैछिन कहाँ गयौ तर्केर !!

बोल्छिन रे सधैंभरी मिठो बोली उनीले 

जहीले जवाब तिमी किन दिनु  झर्केर !!

नगर न तिरस्कार अरुको त्यो भाबना
मन दु:खी आँखा बाट वर्षा हुन्छ दर्केर !!

अतितको घाउ बल्ल पुरिदैथ्यो उनीको
भो नजाउ मर्ने छिन फेरी बेथा चर्केर !!

तिमीलाई एकदिन त्यो मायाले पोल्नेछ
रुदै फर्की आउनेछौ उनी माझ फर्केर !!
बसु श्रेष्ठ
भैरहवा रुपन्देही