(गजल) यता औंसी हुँदा

यता औंसी हुदा उता टल्कीएछ जस्तो !!
मुटु छाडी अन्त कतै ढल्किएछ जस्तो !!

सम्हाल्ने प्रयास मा छु आफ्नो मन लाइ
रोक्दा रोक्दै लाग्छ आँशु छल्किएछ जस्तो !!

थाकी सके जली सके प्रवास मा म त
निभाउदा लाग्छ मुटु सल्किएछ जस्तो !!

आँखा पनि हारीसके प्रतीक्षा मा तिम्रो
कुर्दा कुर्दै लाग्छ मन बल्किएछ जस्तो !!

शब्दशब्द बोल्दा तिखो बाण हान्छौ किन
दिंदा दिंदै चोट दिन पल्किएछ जस्तो !!
बसु श्रेष्ठ
भैरहवा रुपन्देही